Kinguppaat akii qaffariarput

Kalaallit Nunaanni Naatsorsueqqissaartarfiup aalisakkat akiinut naleqqersuutit 2015-imi kvartalip pingajuanut tunngasut saqqummersippai. Aalisakkat tunisassiat tassaapput kinguppaat, qaleralit aamma saarulliit, 2010-mut oqimaalutarneqartut.

 

Agguaqatigiissillugu kiilumut akinik naleqqersuutinik naatsorsuinermi nunatta avammut niuernerani akit annertunerusumik atorneqarput, ilaatigut tunisassiortut anginerit akigititaannik tapertaqartarlutik. Tassa akinik naleqqersuutit Kalaallit Nunaanniit annissinermi akigitinneqartoq atorneqarluni.

 

Aalisakkat naleqqersuinermi taaneqartut oqimaassusiisa katinneri 2010-mi oqimaalutaaneq malillugu oqimaalutarineqarput. Taamaasilluni naleqqersuummut oqimaalutaq aaliangersimasoq Laspeyres-mi taaneqartartoq atorneqarluni.

 

Aalisakkat akiinut naleqqersuut ukiuni kingullerni marlunni (2010=100)

Malugiuk: Kisitsisaataasivimmik kisitsisit takukkit  http://bank.stat.gl/fin009

 

Aalisakkat akii agguaqatigiissillugu 2015-imi kvartalip aappaaniit 2015-imi kvartalip pingajuanut ima nikeriarsimapput:

 

·       Kinguppaat akii 4,9 pct.-inik qaffariarput.

·       Qalerallit akii 2 pct.-inik appariarput.

·       Saarulliit akii 2,3 pct.-inik appariarput.

 

Kalaallit Nunaanni Naatsorsueqqissaartarfiup nittartakkamini http://bank.stat.gl/FIN009–imi tamanut saqqummiussaani naleqqersuutit ineriartorneri takuneqarsinnaapput.